Die Maanhaarjakkals lyk baie soos ’n Hyaena. Hulle kan tot 11 kg weeg.
Hulle het maanhare wat by hulle nek en rug afloop. Hulle hare is lank en grof.
Hulle ore is punterig en hulle het vertikale swart strepe wat op hulle lyf
loop. Hulle is hoër by hulle skouers as by hulle hippe. Hulle is meestal aktief
in die nag, maar kan gesien word vroeg oggende en laat middae. Hulle eet
meestal termiete, maar sal ander insekte ook eet. Hulle kry 1-4 kleintjies wat
in ’n gat in die grond gebore word.
Hoëveld nagmuis (Tatera brantsii)
Hulle totale lengte is 28 cm en weeg omtrent 80 g. Hulle stert is
omtrent net so lank soos hulle kop en lyf saam. Die Hoëveld nagmuis se lyf is
grys-wit onder, waar die ander spesies net wit onder is. Hulle word gevind op
sanderige grond. Hulle grou hulle eie gate wat hulle in bly en is aktief in die
nag. Hulle dieet bestaan uit gras sade en ander plante kos. Hulle kry gewoonlik
3 kleintjies, maar kan tot 5 kry.
Bakoorjakkals (Otocyon megalotis)
Hulle skouer hoogte is 35 cm en hulle weeg 3-5 kg. Hulle is
jakkalsagtig. Hulle pels is silwergrys en hulle het groot ore. Hulle stert is
baie bosagtig en is swart aan bo kant en op die punt. Hulle kom nie voor in
bergagtige areas en woude nie. Hulle is aktief in die nag en gedurende die dag.
Hulle eet meestal insekte en ’n verskeidenheid van kewer spesies. Hulle eet ook
vrugte. Hulle skenk geboorte aan 4 tot 6 kleintjies wat in ’n gat gebore word.