Die Grysborstjagra se geslagte lyk
eners. Hulle het ʼn wit onderlyf met ʼn wit-geel ken en keel. ʼn Jong
grysborstjagra se snawel is donkerbruin en die kolle op hulle stert is
vaalgeel. Die volwassenes se snawel is swart en weeg omtrent 47 g. Hulle eet
insekte, bessies en vrugte. Hulle habitat is in die kusbos, en woude al langs
die kus. Hulle maak nes in aalwyne of in ʼn lae bos.
Bloukuifvlieëvanger (Trochocercus cyanomelas)
Die haan kan uitgeken word deur hulle
blouswart kop en kuif wat glans. Die hen se kop is liggrys en die smal
vlerkstreep is donker. Die voëls is gewoonlik alleen of in pare. Hulle is nie
alg-meen nie, maar in die gebiede wat hulle voorkom is hulle algemeen. Hulle is
15 cm lank en weeg omtrent 10 g. Hulle eet net insekte. Hulle sal ʼn nes maak in
ʼn mik van ʼn boom.
Bosjakkalsvoël (Buteo trizonatus)
Die geslagte lyk eners, maar die haan
is kleiner as die hen. Die kenmerk wat die meeste uitstaan is die gestreepte of
gevlekte onderdele. Die haan weeg 570 g en die hen 660 g. Hulle is endemies en
algemeen in gebiede waar hulle voorkom. Hulle verkies Afrika se bergwoude.
Hulle vreet enige iets van knaagdiere, reptiele en voëls. Hulle bou ʼn nes met stokke
in inheemse woudbome.
